BAAga uchgan oʻzbekistonliklar mamlakatga kiritilmayapti
Tashqi ishlar vazirligidagi manbaning aytishicha, hozir bu boʻyicha zaruriy choralar koʻrilmoqda.
Birlashgan arab amirliklariga uchgan Oʻzbekistonning 31 nafar fuqarosi mamlakat hududiga kiritilmayapti.
Toshkent - Abu-Dabi yoʻnalishi boʻyicha Wizz Air aviaqatnovi orqali uchib borgan 31 nafar Oʻzbekiston fuqarosi nomaʼlum sabablarga koʻra BAA hududiga kiritilmagan.
Tashqi ishlar vazirligidagi manbamizning aytishicha, ayni paytda BAA va Oʻzbekiston tomonidan masʼul shaxslar muzokara olib boryapti va bu noqulaylikni tezroq bartaraf etish choralarini koʻrmoqdalar.
Katta ehtimol bilan ushbu holat Isroil ruhoniysining oʻldirilishi bilan bogʻliq boʻlishi mumkin. Tez orada rasmiy maʼlumot taqdim etilishi maʼlum qilindi.
Eslatib oʻtish kerak, avvalroq isroillik ravvinni oʻldirishda gumonlanib, 3 oʻzbekistonlik BAAda hibsga olingan edi.