Toshkent shahar sardorlari saylandi
Poytaxtdagi yoshlar markazida “Yuksak maqsadlar sari birlashaylik!” shiori ostida Toshkent shahar sardorlarining II forumi boʻlib oʻtdi.
“Toshkent yoshlarni sevadi” oyligi doirasida boʻlib oʻtgan sardorlar forumida hamkor tashkilot vakillari va poytaxtda joylashgan umumtaʼlim maktablarining sardorlari ishtirok etishdi.
Forumda 10 ta tumandan 17 nafar nomzod oʻz taklif va rejalarini taqdimot qildi. Sardorlar ochiq ovoz berish orqali saylandi.
Yakuniy natijalarga koʻra:
Bosh sardor – Azamat Abdulatipov;
“Yashil makon” yoʻnalishi boʻyicha – Mohiroza Mahkamova;
“Taʼlim” yoʻnalishida – Munisa Xadjayeva;
“Imkon” yoʻnalishida – Malika Murodxonova;
“Sport” yoʻnalishida – Madina Abdukamilova;
“Sanʼat” yoʻnalishida – Yasmina Xadjayeva hamda
“Media va IT” yoʻnalishida – Sardor Pardaboyev sardor sifatida saylandi.
Endilikda mazkur sardorlar oʻz yoʻnalishlari boʻyicha maktablarda oʻquvchilarning iqtidorlarini yuzaga chiqarish, ijtimoiy faolligini oshirish boʻyicha faoliyat olib boradi.