Peshku tumanida ham hokim oʻzgardi
Kogon shahar hokimi vazifasida ishlab kelayotgan Hayot Davlatov ushbu lavozimga tasdiqlandi.
Hayot Hasanovich Davlatov Peshku tumani hokimi etib tasdiqlandi. Bu haqda Buxoro viloyati hokimligi xabar berdi.
Xalq deputatlari Peshku tumani Kengashining navbatdan tashqari sessiyasi boʻlib oʻtdi. Sessiyada xalq deputatlari tuman Kengashi deputatlari, tuman sektorlari, tuman hokimi oʻrinbosarlari, hudud faollari ishtirok etdi.
Sessiyada tashkiliy masala koʻrildi.
Viloyat hokimi Vahob Hamidovich Qahhorovni Peshku tumani hokimi lavozimidan ozod etish toʻgʻrisidagi qarorni oʻqib eshittirdi. Ushbu masala ovozga qoʻyilib, deputatlar tomonidan tasdiqlandi.
Shundan soʻng Botir Zaripov 2021 yildan beri Kogon shahar hokimi vazifasida ishlab kelayotgan Hayot Hasanovich Davlatov nomzodini Peshku tumani hokimi etib tayinlash toʻgʻrisidagi viloyat hokimining qarorini oʻqib eshittirdi.
Hayot Hasanovich Davlatov Peshku tumani hokimi etib tasdiqlandi.
Sessiyada tumanni ijtimoiy-iqtisodiy rivojlantirish boʻyicha istiqboldagi vazifalar belgilandi.
Avvalroq Akmal Ostonov Vobkent tumani hokimi etib tasdiqlangandi.
