Baxtiyor Adilov Buxoro viloyati hokimi oʻrinbosari etib tayinlandi
Mirali Hamroyev oʻz arizasiga koʻra hokimning yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari lavozimidan ozod etilgan.
Buxoro viloyati hokimiga yangi oʻrinbosar tayinlandi. Bu haqda viloyat hokimligi xabar berdi.
Hamroyev Mirali Muhammadjonovich oʻz arizasiga koʻra Buxoro viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari lavozimidan ozod qilindi.
Adilov Baxtiyor Alisherovich Buxoro viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari lavozimiga tayinlandi.
Baxtiyor Adilov 1986 yil 22 iyunda Buxoro shahrida tugʻilgan. 2008 yilda Buxoro davlat universitetini bitirgan. Maʼlumoti boʻyicha mutaxassisligi — iqtisodchi.
Ayni paytga qadar u Buxoro viloyati Iqtisodiyot va moliya bosh boshqarmasi boshligʻi vazifasida ishlab kelayotgan edi.