Akmal Ostonov Vobkent tumani hokimi etib tasdiqlandi
2021 yildan buyon ushbu lavozimda ishlab kelayotgan Farhod Umarov sogʻligi yomonlashganligi munosabati bilan lavozimidan ozod etilgan.
Akmal Ostonov Vobkent tumani hokimi etib tasdiqlandi.
Xalq deputatlari Vobkent tumani Kengashining navbatdan tashqari sessiyasi boʻlib oʻtdi. Sessiyada tashkiliy masala koʻrildi.
Vobkent tumani hokimi vazifasida 2021 yildan beri ishlab kelayotgan Farhod Umarov sogʻligi yomonlashganligi munosabati bilan oʻz arizasiga binoan egallab turgan lavozimidan ozod qilindi.
Qorovulbozor tumani hokimi vazifasida ishlab kelayotgan Akmal Anvarovich Ostonov nomzodini Vobkent tumani hokimi etib tayinlash toʻgʻrisidagi viloyat hokimining qarori oʻqib eshittirildi.
Kun tartibidagi masala yuzasidan tuman Kengashi deputatlari va faollari oʻz fikr-mulohazalarini bildirishdi.
Akmal Ostonov Vobkent tumani hokimi etib tasdiqlandi.
Sessiyada tumanni ijtimoiy-iqtisodiy rivojlantirish boʻyicha istiqboldagi vazifalar belgilangan.
