MKBANK aqlli ofisni joriy etmoqda
2025 yildan boshlab esa bank Kuzatuv kengashi qarorlari ham Smart ofis orqali masofadan turib imzolanishi yoʻlga qoʻyiladi.
MKBANK va RealSoft bilan hamkorligi yangi bosqichga chiqdi, natijada Smart ofis loyihasi amaliyotga tatbiq etildi.
Gap shundaki, bank transformatsiyasi doirasida tijorat banklari orasida birinchi boʻlib amalga oshirilayotgan ushbu loyiha doirasida elektron hujjat aylanmasi – exat va gibrid pochtasi bilan integratsiya qilindi. Natijada bankdagi hujjatlar – qaror, buyruq, farmoyish, ariza, chora-tadbir, bildirgilar, chiqish xatlari ushbu platforma yordamida masofadan turib, e-imzo orqali imzolanmoqda. Bundan tashqari, xodimlarning xizmat safarlari hisoboti, kasallik varaqalari toʻlovlari, ishga kelib-ketishlari nazorati inson omilisiz Smart ofis orqali amalga oshiriladi.
2025 yildan boshlab esa bank Kuzatuv kengashi qarorlari ham Smart ofis orqali masofadan turib imzolanishi yoʻlga qoʻyiladi.
Bank tizimida mazkur loyihaning amalga oshirilishi hujjat aylanishini tezlashtirib, ish samaradorligini oshirishga yordam beradi. Shuningdek, ortiqcha vaqtni hamda qogʻoz sarfini kamaytiradi.
Eslatib oʻtamiz, MKBANK RealSoft bilan hamkorlikda 2022 yidan buyon Collective.uz platformasini bank faoliyatiga tatbiq etib kelmoqda. Smart ofis loyihasi esa Collective.uz negizida takomillashgan holda yangidan tashkil etilmoqda.
Bank axborot xizmati
