Hakamni haqoratlab, tajovuzkor harakatlar sodir etgan Navbahor vitse-prezidentiga chora koʻrildi

Oʻzbekiston futbol assotsiatsiyasi Tartib-intizom qoʻmitasining navbatdagi yigʻilishi boʻlib oʻtdi. Unda soʻnggi turlar doirasida boʻlib oʻtgan uchrashuvlardagi intizomiy ishlar koʻrib chiqildi.

Superliga

Navbahor lochinlari — Metallurg

Superliga chempionatining 22-turi doirasidagi Navbahor lochinlari — Metallurg uchrashuvi 44-daqiqasida Navbahor lochinlari futbol klubi futbolchisi Abrorbek Ismoilov toʻpsiz vaziyatda oyogʻining tag qismi bilan raqib oʻyinchiga zarba bergani uchun maydondan chetlashtirilgan.

Tartib-intizom qoʻmitasi qaroriga koʻra, Abrorbek Ismoilovga (Navbahor lochinlari) nisbatan 3 ta oʻyinga chetlashtirish (diskvalifikatsiya) va jarima intizom choralari qoʻllanildi.

Bunyodkor — Soʻgʻdiyona

Superliga chempionatining 22-turi doirasidagi Bunyodkor — Soʻgʻdiyona uchrashuvi 90+1-daqiqasida Soʻgʻdiyona futbol klubi bosh murabbiyi Ivan Boshkovich bosh hakamga nisbatan qoʻli bilan nojoiz harakat qilgani, hamda bosh hakam shaʼniga haqoratli soʻzlar ishlatgani uchun maydondan chetlashtirilgan.

Tartib-intizom qoʻmitasi qaroriga koʻra, Ivan Boshkovichga (Soʻgʻdiyona) nisbatan 2 ta oʻyinga chetlashtirish (diskvalifikatsiya) va jarima intizom choralari qoʻllanildi.

Lokomotiv — Nasaf

Superliga chempionatining 23-turi doirasidagi Lokomotiv — Nasaf uchrashuvi 36-daqiqasida Lokomotiv jamoasi futbolchisi Ivan Rogach bosh hakam shaʼniga haqoratli soʻzlar ishlatib, maydondan chetlashtirilgan.

Tartib-intizom qoʻmitasi qaroriga koʻra, Ivan Rogachga (Lokomotiv) nisbatan 2 ta oʻyinga chetlashtirish (diskvalifikatsiya) va jarima intizom chorasi qoʻllanildi.

Navbahor — Paxtakor

Superliga chempionatining 24-turi doirasidagi Navbahor — Paxtakor uchrashuvi 56-daqiqasida Paxtakor futbol klubi futbolchisi Behruz Asqarov toʻp uchun kurashish vaqtida oyogʻining tag qismi bilan raqib oʻyinchisining oyogʻiga zarba bergani uchun maydondan chetlashtirilgan.

Tartib-intizom qoʻmitasi qaroriga koʻra, Behruz Asqarovga nisbatan 3 ta oʻyinga chetlashtirish (diskvalifikatsiya) va jarima intizom choralari qoʻllanildi.

Navbahor lochinlari — Paxtakor

Superliga chempionatining 24-turi doirasidagi Navbahor lochinlari — Paxtakor uchrashuvi tanaffus vaqtida Navbahor lochinlari futbol klubi vitse-prezidenti Otabek Samatov yordamchi hakam shaʼniga haqoratli soʻzlar ishlatgani hamda tajovuzkor harakat qilgani qayd etilgan.

Tartib-intizom qoʻmitasi qaroriga koʻra, Otabek Samatovga (Navbahor lochinlari) nisbatan jarima intizom chorasi qoʻllanildi.

Qizilqum — Dinamo plyus

Superliga chempionatining 23-turi doirasidagi Qizilqum — Dinamo plyus uchrashuvi 90+2-daqiqasida Dinamo plyus futbol klubi futbolchisi Jahongir Oʻrozov oʻyin vaqtini atayin choʻzib, sariq kartochka olgan holati qayd etilgan.

Tartib-intizom qoʻmitasi qaroriga koʻra, Jahongir Oʻrozovga (Dinamo plyus) nisbatan jarima intizom chorasi qoʻllanildi.

Superliga chempionatining 23-turi doirasidagi Qizilqum — Dinamo plyus uchrashuvi 45+1-daqiqasida Qizilqum futbol klubi bosh murabbiyi Jamshid Saidov bosh hakam qaroriga nisbatan eʼtiroz bildirib sariq kartochka olgan holati qayd etilgan.

Tartib-intizom qoʻmitasi qaroriga koʻra, Jamshid Saidovga (Qizilqum) nisbatan jarima intizom choralari qoʻllanildi.

Navbahor lochinlari — Paxtakor

Superliga chempionatining 24-turi doirasidagi Navbahor lochinlari — Paxtakor uchrashuvi 65-daqiqasida Paxtakor futbol klubi futbolchisi Sardor Sobirxoʻjayev bosh hakam qaroriga nisbatan eʼtiroz bildirib, sariq kartochka olgan holati qayd etilgan.

Tartib-intizom qoʻmitasi qaroriga koʻra, Sardor Sobirxoʻjayevga (Paxtakor) nisbatan jarima intizom chorasi qoʻllanildi.

Dinamo plyus — Lokomotiv

Superliga chempionatining 24-turi doirasidagi Dinamo plyus — Lokomotiv uchrashuvida Lokomotiv futbol klubi matbuot kotibi tomonidan ijtimoiy tarmoqdagi sahifa orqali matnli translyatsiya davomida uchrashuv rasmiylariga nisbatan ochiqdan-ochiq notoʻgʻri va asoslanmagan fikrlar bildirgan.

Tartib-intizom qoʻmitasi qaroriga koʻra, Lokomotiv futbol klubiga nisbatan jarima intizom chorasi qoʻllanildi.

Surxon» — Neftchi

Superliga chempionatining 24-turi doirasidagi Surxon — Neftchi uchrashuvi 42-daqiqasida Neftchi futbol klubi futbolchisi Diyorjon Turopov bosh hakam qaroriga nisbatan eʼtiroz bildirib, sariq kartochka olgan holati qayd etilgan.

Tartib-intizom qoʻmitasi qaroriga koʻra, Diyorjon Turopovga nisbatan jarima intizom chorasi qoʻllanildi.

Superliga chempionatining 24-turi doirasidagi Surxon — Neftchi uchrashuvi 68-daqiqasida Neftchi futbol klubi futbolchisi Botirali Ergashev bosh hakam qaroriga nisbatan eʼtiroz bildirib, sariq kartochka olgan holati qayd etilgan.

Tartib-intizom qoʻmitasi qaroriga koʻra, Botirali Ergashevga (Neftchi) nisbatan jarima intizom chorasi qoʻllanildi.

Qizilqum — Paxtakor

Superliga chempionatining 22-turi doirasidagi Qizilqum — Paxtakor uchrashuvi 90+1-daqiqasida Qizilqum futbol klubi futbolchisi Humoyunshoh Sayyotov oʻyin vaqtini atayin choʻzib, sariq kartochka olgan holat boʻyicha tegishli chora koʻrish soʻralgan.

Tartib-intizom qoʻmitasi qaroriga koʻra, Humoyunshoh Sayyotovga (Qizilqum) nisbatan jarima intizom chorasi qoʻllanildi.

Surxon — Lokomotiv

Superliga chempionatining 22-turi doirasidagi Surxon — Lokomotiv uchrashuvi 90+1-daqiqasida Lokomotiv futbol klubi futbolchisi Abdulazizxon Abdurashidov bosh hakam qaroriga nisbatan eʼtiroz bildirib, sariq kartochka olgan holati qayd etilgan.
Tartib-intizom qoʻmitasi qaroriga koʻra, Abdulazizxon Abdurashidovga (Lokomotiv) nisbatan jarima intizom chorasi qoʻllanildi.

Soʻgʻdiyona — Surxon

Superliga chempionatining 23-turi doirasidagi Soʻgʻdiyona— Surxon uchrashuvi 57-daqiqasida Soʻgʻdiyona futbol klubi futbolchisi Vladimir Yovovich bosh hakam qaroriga nisbatan eʼtiroz bildirib, sariq kartochka olgan holati qayd etilgan.

Tartib-intizom qoʻmitasi qaroriga koʻra, Vladimir Yovovichga (Soʻgʻdiyona) nisbatan jarima intizom chorasi qoʻllanildi.

Superliga chempionatining 23-turi doirasidagi Soʻgʻdiyona — Surxon uchrashuvi 69-daqiqasida Surxon futbol klubi texnik direktori Nurali Nurullayev bosh hakam qaroriga nisbatan eʼtiroz bildirib, sariq kartochka olgan holati qayd etilgan.

Tartib-intizom qoʻmitasi qaroriga koʻra, Nurali Nurullayevga (Surxon) nisbatan jarima intizom chorasi qoʻllanildi.

Bunyodkor — Metallurg

Superliga chempionatining 24-turi doirasidagi Bunyodkor — Metallurg uchrashuvida Metallurg futbol klubi tomonidan «Superliga va Proliga reglamenti»ning 16.31-bandi buzilganligi, yaʼni uchrashuv vaqtida futbol klubi rasmiylari orasidan faqatgina bosh murabbiyga texnik zonada futbolchilarga koʻrsatma berish uchun ruxsat etilishi belgilangan boʻlsada, Metallurg futbol klubi bosh direktori Shavkat Saidov tomonidan uchrashuv komissarining ogohlantirishiga qaramay uchrashuv davomida texnik zonada erkin harakatlanib, koʻrsatma bergani, holati qayd etilgan.

Tartib-intizom qoʻmitasi qaroriga koʻra, Shavkat Saidovga (Metallurg) nisbatan jarima intizom chorasi qoʻllanildi.

Shuningdek, Proliga va birinchi ligadagi ishlar ham koʻrib chiqilgan.