AQShda Microsoft'ga qarshi keng koʻlamli tekshiruv boshlandi
Kompaniya yirik davlat pudratchisi boʻlib, AQShning koʻplab agentliklariga, jumladan Pentagonga milliardlab dollarlik dasturiy taʼminot va xizmatlarni taqdim etadi.
AQSh Microsoft kompaniyasiga nisbatan keng koʻlamli tergov boshladi.
AQSh Federal Savdo Komissiyasi Microsoft korporatsiyasiga nisbatan keng koʻlamli monopoliyaga qarshi tekshiruv boshladi, deb xabar bermoqda Bloomberg va boshqa Amerika OAV oʻz manbalariga asoslanib.
Tekshiruv kompaniya faoliyatining turli jihatlariga, jumladan, bulutli hisoblash, kiberxavfsizlik va sunʼiy intellekt sohasidagi ishlanmalarga tegishli.
Bloomberg maʼlumotlariga koʻra, savdo komissiyasi kiberxavfsizlik hodisalaridan keyin Microsoft'ni diqqat bilan kuzatib bormoqda. Kompaniya yirik davlat pudratchisi boʻlib, AQShning koʻplab agentliklariga, jumladan Pentagonga milliardlab dollarlik dasturiy taʼminot va xizmatlarni taqdim etadi.
Microsoft'ga yuborilgan maktubda FSK tergovda yordam beradigan maʼlumotni soʻradi, dedi CNN'ga masaladan xabardor manba.
Microsoft esa izoh berishdan bosh tortgan.