Madaniyat muassasalari xodimlarining maoshi oshiriladi
Oyliklar yilda ikki marta: yanvarda 20 foizga, iyulda 15 foizga koʻtariladi.
Keyingi yilda davlat madaniyat muassasalari va tashkilotlari xodimlarining ish haqi ikki marta oshiriladi.
“Madaniyat va sanʼat, axborot-kutubxona va muzeylar sohasida faoliyat olib borayotgan xodimlar ish haqi miqdorlarini oshirish toʻgʻrisida”gi Prezident qarori (PQ-400-son, 22.11.2024) qabul qilindi.
Qarorga koʻra, davlat madaniyat muassasalari va tashkilotlari xodimlarining ish haqi quyidagi miqdorlarda oshiriladi:
-2025 yil 1 yanvardan boshlab – 20 foizga;
-2025 yil 1 iyuldan boshlab – yana 15 foizga oshiriladi.
Davlat madaniyat muassasalari va tashkilotlarida faoliyat koʻrsatayotgan xodimlarning ish samaradorligini baholash (KPI) tizimi joriy qilinadi.
Eslatib oʻtamiz, madaniyat xodimlari ish haqini oshirish 22 noyabrda oʻtgan prezident yigʻilishida maʼlum qilingandi.