Litvada yuk samolyoti turar-joy binosi ustiga quladi
Samolyot bortida toʻrt uchuvchi borligi maʼlum, hozircha ulardan biri qutqarilgan.
25 noyabr kuni ertalab Vilnyus aeroporti yaqinida DHL yuk samolyoti halokatga uchradi. Bu haqda Reuters agentligi aeroport rasmiylari va Litva politsiyasiga asoslanib xabar berdi.
Delfi xabariga koʻra, samolyot ikki qavatli turar-joy binosi ustiga qulagan. Voqea joyida katta yongʻin kelib chiqqan.
Samolyotda toʻrt kishi boʻlganligi aytilmoqda. Dastlabki maʼlumotlarga koʻra, uchuvchilardan biri qutqarib qolgan. Yana bir kishining oʻlimi tasdiqlangan. Uyda yashovchilarga zarar yetmagan.
Flightradar 24 xizmati maʼlumotlariga koʻra, gap Leypsigdan uchayotgan Boeing 737 yuk samolyoti haqida ketmoqda.