Oʻzbekiston Shimoliy Koreyani magʻlub etdi
Laosda kechgan uchrashuvda futbolchilarimiz qiyin va muhim 3 ochkoni qoʻlga kiritdi.
Jahon chempionati Osiyo qitʼasi saralashi 3-bosqich 6-turidan oʻrin olgan Shimoliy Koreyaga qarshi oʻyinda Oʻzbekiston kichik hisobda gʻalaba qozondi.
Oʻyinda hisobni 44-daqiqada Abbos Fayzullayev uzoqdan yoʻllangan zarba bilan ochdi. Ikkinchi taymda koreyslar bosimni kuchaytirishdi va bu soʻnggi daqiqalarda ish berdi.
83-daqiqada Umar Eshmurodov qoʻl bilan oʻynagani uchun qizil kartochka olib, maydonni tark etdi. Oʻzbekiston darvozasiga penalti belgilandi. Ammo Oʻtkir Yusupov penaltini qaytardi.
Shu tariqa Oʻzbekiston MTJ 13 ochko bilan guruhdagi oʻrnini mustahkamladi. Keyingi tur oʻyinlari 2025 yilda boʻlib oʻtadi.
KXDR - Oʻzbekiston 0:1
Gol: Fayzullayev 44