Shavkat Mirziyoyev taniqli rus aktyorini mukofotladi
Sergey Bezrukov soʻnggi yillarda Oʻzbekistonga tez-tez kelib, yosh aktyorlarga mahorat darslari oʻtishda ancha faollik koʻrsatayotgan edi.
Shavkat Mirziyoyev farmoni bilan rossiyalik taniqli aktyor Sergey Bezrukov "Doʻstlik" ordeni bilan mukofotlandi.
Shuningdek, Rossiya xalq artisti, balet artisti va rejissyor Andris Liyepa ham shu mukofotga loyiq koʻrildi.
Ular Oʻzbekiston va Rossiya oʻrtasidagi keng qamrovli strategik sheriklik, ittifoqchilik munosabatlarini rivojlantirish, xalqlarimizning anʼanaviy doʻstlik va hamjihatlik aloqalarini mustahkamlash borasidagi katta xizmatlari, oʻzining yorqin va betakror isteʼdodi, xususan, kino va teatr yoʻnalishidagi sermahsul ijodiy faoliyati bilan madaniyat va sanʼat sohalarida hamkorlikni kengaytirish, maʼnaviy qadriyatlarimizni asrab-avaylash va boyitishga qoʻshayotgan munosib hissasi uchun taqdirlangan.