Prezident davlat byudjeti nazoratini kuchaytirishni topshirdi
Yangilangan Konstitutsiyaga koʻra, davlat byudjeti ijrosi ustidan nazorat qilish Qonunchilik palatasining mutlaq vakolatiga kiradi.
Shavkat Mirziyoyev davlat byudjeti ijrosini nazorat qilishda parlament qoʻmitalari rolini oshirish muhimligini taʼkidladi.
Yangilangan Konstitutsiyaga koʻra, davlat byudjeti ijrosi ustidan nazoratni amalga oshirish Qonunchilik palatasining mutlaq vakolatiga kiradi.
"Bu muhim vakolat deputatlarimiz zimmasiga katta masʼuliyat ham yuklaydi. Jumladan, hukumatning davlat byudjetiga doir barcha hisobotlarini palataga faqat Byudjet kodeksida belgilangan audit xulosasi bilan birgalikda kiritish amaliyotiga oʻtish kerak", dedi davlat rahbari.
Hozirgi vaqtda birinchi darajali byudjet mablagʻlarini taqsimlovchilarning xarajatlari ustidan parlament nazorati deyarli sezilmayotgani, yangi saylangan deputatlar ushbu masalaga alohida yondashishlari zarurligi qayd etildi.
