Prezident farmoni bilan toʻqqiz nafar senator tayinlandi

Oʻzbekiston prezidenti farmoni bilan Oliy Majlis Senati aʼzolari tayinlandi.

Oʻzbekiston Respublikasi Konstitutsiyasining 92-moddasiga hamda Oʻzbekiston Respublikasi Saylov kodeksining 75-moddasiga muvofiq:

Ziyo Azamat Hamid oʻgʻli – Oʻzbekiston Respublikasi Fanlar akademiyasi Tarix instituti direktori;

Yoʻlchiyeva Munojatxon Abduvaliyevna – Yunus Rajabiy nomidagi Oʻzbek milliy musiqa sanʼati instituti professori;

Koʻchimov Abdusaid Koʻchimovich – Oʻzbekiston Milliy axborot agentligi bosh direktori;

Rafiqov Qudratilla Mirsagatovich – Oʻzbekiston kasaba uyushmalari Federatsiyasi Kengashi raisi;

Raxmankulov Mir-Akbar Xodji-Akbarovich – Oʻzbekiston Respublikasi Prezidenti huzuridagi Qonunchilik va huquqiy siyosat instituti direktori;

Safoyev Sodiq Solixovich – Oʻzbekiston Respublikasi Oliy Majlisi Senati Raisining birinchi oʻrinbosari;

Saʼdullayev Alisher Zafar oʻgʻli – Oʻzbekiston Respublikasi Yoshlar ishlari agentligi direktori;

Turdiyev Sodiqjon – Oʻzbekiston faxriylarining ijtimoiy faoliyatini qoʻllab-quvvatlash "Nuroniy" jamgʻarmasi boshqaruvi raisi;

Xudaybergenov Tursinxan Aydarovich – Oʻzbekiston Respublikasi Prezidenti maslahatchisi;

Oʻzbekiston Respublikasi Oliy Majlisi Senati aʼzolari etib tayinlandi.

Eslatib oʻtamiz, Senat aʼzolari jami 65 nafarni tashkil qiladi. Ulardan toʻqqiztasini Prezident tayinlaydi, qolgan 56 tasi hududlardan saylanadi.