Pentagonning maxfiy hujjatlarini tarqatib yuborgan xodim 15 yilga qamaldi

AQShda oʻtgan yili Pentagon tarixidagi eng yirik maxfiy hujjatlardan birini oshkor qilgan sobiq Milliy gvardiya xodimi Jek Teysheyra 15 yillik qamoq jazosiga hukm qilindi.

22 yoshli Teysheyra mart oyida milliy mudofaa maʼlumotlarini qasddan saqlash va uzatishda oʻz aybini tan oldi.

Massachusets shtatidagi Milliy havo milliy gvardiyasining 102-razvedka qanotida ishlaganda, Teysheyra maxfiy materiallarga, jumladan, xaritalar, sunʼiy yoʻldosh tasvirlari va AQSh ittifoqchilari haqidagi razvedka maʼlumotlariga kirish huquqiga ega boʻldi va keyin hujjatlarni Discord onlayn platformasiga joylashtirdi.

U yopiq guruh aʼzolari bilan boʻlishgan hujjatlar orasida Ukrainadagi urush haqidagi maxfiy maʼlumotlar ham bor edi.

Prokurorlar Teysheyrani 16,5 yilga ozodlikdan mahrum etishni soʻragan. Uning advokatlari uni 11 yilga ozodlikdan mahrum qilishni soʻragan.

Jazoni qisqartirishni soʻragan Teysheyraning advokatlari sud hujjatlarida u maktabda va keyinroq harbiy xizmatda boʻlganida haqoratlanganini taʼkidladi.

Prokurorlar sudlanuvchi "AQSh tarixidagi josuslik toʻgʻrisidagi qonunning eng muhim va jiddiy buzilishlaridan birini sodir etgan" deb, uzoqroq jazo muddatini talab qilishdi.

"Teysheira oʻz mamlakati uchun xavfni tushungan va lekin baribir buni qildi", dedi prokurorlar sudda.

Sudlanuvchi uzr soʻradi va" barcha masʼuliyat va oqibatlar faqat uning yelkasiga tushishini" aytdi, dedi Boston sud zalidan jurnalistlar.

Hibsga olinganida 21 yoshda boʻlgan Teysheyra Discord platformasida kichik yopiq guruhni boshqargan va u yerda 2022 yil oxirida maxfiy fayllarni joylashtirishni boshlagan. Keyinchalik ular internetda tarqalib ketdi.

Teysheyra 2019 yilda Massachusets milliy gvardiyasida xizmatga qabul qilingan. Oʻz lavozimiga koʻra, u juda maxfiy imkoniyatlarga eega edi.