Boʻkaning "Joʻraobod" mahallasida katta ishlar boshlanmoqda
Mahalla uchun zamonaviy xizmat binosi, 300 oʻrinli zamonaviy maktab va sport zali, bogʻcha binosi, tibbiyot punktini qurish koʻzda tutilgan.
Davlat rahbari topshirigʻiga koʻra Respublika ishchi guruhi Toshkent viloyati Boʻka tumani "Joʻraobod" mahallasi “Guliston” qishlogʻida bunyodkorlik va obodonlashtirish ishlarini olib borilmoqda.
Ishchi guruhi Prezident Administratsiyasi hamda Xalq qabulxonasi boshchiligida qator vazirlik va idora vakillaridan tashkil topgan.
Maqsad - qishloq infratuzilmasini yaxshilash, ijtimoiy soha obʼektlari faoliyatini samarali tashkil etish, ishsizlik va kambagʻallikni qisqartirish.
Rejada mahalla uchun zamonaviy xizmat binosi, 300 oʻrinli zamonaviy maktab va sport zali, bogʻcha binosi, tibbiyot punktini qurish, mahalla yoʻllarini taʼmirlash, yaroqsiz elektr simyogʻochlarni beton ustunlarga, eski quvvati past tranformatorlarni yuqori quvvatli yangilariga almashtirish, yaroqsiz holatga kelib qolgan ichimlik suvi inshootlari va tarmoqlarni yangilash kabi qator hayrli ishlar belgilangan.
