2025 yildan boshlab nashriyotlar foyda soligʻidan ozod etiladi
Mazkur masala dastlab 2023 yil dekabridagi prezident yigʻilishida koʻrib chiqilgandi.
Nashriyotlar foyda soligʻidan ozod qilinadi.
Oʻzbekistonda nashriyot-matbaa faoliyatidan olingan daromadlari hisobot (soliq) davri yakunlari boʻyicha jami daromadining kamida 90 foizini tashkil etgan soliq toʻlovchilar 2025 yil 1 yanvardan 2029 yil 1 yanvarga qadar boʻlgan davrda mazkur faoliyat turi boʻyicha foyda soligʻini (bundan foizlar tarzidagi daromadlar mustasno) toʻlashdan ozod etiladi.
Eslatib oʻtamiz, 2023 yil dekabrda oʻtkazilgan Prezident yigʻilishida ushbu masala muhokama etilgandi.
Unda nashriyot va matbaa korxonalarining moliyaviy imkoniyatlari kengaytirilishi, moddiy-texnik bazasi mustahkamlanishi zarurligi taʼkidlangandi.
Shu maqsadda ushbu korxonalar 5 yilga soliqlardan ozod qilinishi maʼlum qilindi. Shuningdek, ularga imtiyozli kreditlar ajratilishi ham aytilgandi.
