Kamala Xarris saylovdagi magʻlubiyatini tan oldi

Demokratik partiyadan nomzod Kamala Xarris AQSh prezidentlik saylovlarida magʻlub boʻlganidan keyin nutq soʻzladi.

Xarris prezident Jo Bayden, uning saylovoldi guruhi va unga ovoz berganlarga minnatdorchilik bildirdi. Uning qoʻshimcha qilishicha, saylov natijalari uning kutganlarini oqlamagan.

"Biz bu saylov natijalarini qabul qilishimiz kerak. Bugun ertalab men Tramp bilan gaplashdim va uni gʻalabasi bilan tabrikladim. Men unga va uning jamoasiga hokimiyatni oʻtkazishda yordam berishimizni va bu oʻtishni tinch yoʻl bilan amalga oshirishimizni aytdim", dedi Xarris.

" Men saylovdagi magʻlubiyatni qabul qilaman, ammo bu kampaniyaga turtki boʻlgan kurashdagi magʻlubiyatni qabul qilmayman", - deya qoʻshimcha qildi Xarris.

AQSh prezidenti Jo Bayden Trampni prezidentlik saylovidagi gʻalabasi bilan tabrikladi va uni Oq uyga taklif qildi.

Oq uyning maʼlum qilishicha, prezidentlik muddatini yakunlayotgan Jo Bayden Donald Trampni prezidentlik qarorgohiga taklif qilgan.