Tramp saylovlarda gʻalaba qozonganini eʼlon qildi
Baʼzi davlat rahbarlari, jumladan, Ukraina prezidenti Vladimir Zelenskiy, Vengriya bosh vaziri Viktor Orban, Britaniya bosh vaziri Starmer, Serbiya rahbari Vuchichlar Trampni tabrikladi.
AQSh prezidentligiga nomzod Donald Tramp oʻz tarafdorlariga murojaat qqilib, saylovlarda gʻalaba qozonganini eʼlon qildi.
Hozircha Tramp gʻalaba uchun zarur 270 ovozdan 267 tasini qoʻlga kiritgan.
Baʼzi davlat rahbarlari, jumladan, Ukraina prezidenti Vladimir Zelenskiy, Vengriya bosh vaziri Viktor Orban, Britaniya bosh vaziri Starmer, Serbiya rahbari Vuchichlar Trampni tabrikladi.
"Prezident Tramp bilan sentabr oyida boʻlib oʻtgan ajoyib uchrashuvimizni eslayman, oʻshanda biz Ukraina-Amerika munosabatlari, strategik sheriklik, "gʻalaba rejasi" va Rossiyaning Ukrainaga qarshi tajovuzkorligini toʻxtatish yoʻllarini batafsil muhokama qilgan edik. Men prezident Trampning global ishlarga "kuch orqali tinchlik" yondashuviga sodiqligini qadrlayman. Aynan shu tamoyil Ukrainada adolatli tinchlikni amalda yaqinlashtirishi mumkin. Umid qilamanki, biz buni birgalikda amalga oshira olamiz”, deb yozdi Zelenskiy.
Soʻnggi hisob-kitoblarga koʻra, Trampning saylovda yutishi deyarli aniq boʻlgan.
