Shavkat Mirziyoyev Donald Trampni tabrikladi
Uzoq muddatli va keng qamrovli munosabatlarni yangi bosqichga koʻtarish maqsadida AQSh prezidenti Oʻzbekistonga taklif qilindi.
Prezident Shavkat Mirziyoyev AQSh prezidenti etib saylangan Donald Trampni saylovdagi gʻalaba bilan tabrikladi.
"Biz bundan keyin ham Sizning boshchiligingizdagi AQSh Administratsiyasi bilan doʻstona aloqalarni izchil davom ettirishga, oliy va yuqori darajada erishilgan barcha kelishuvlarni toʻliq amalga oshirishdan manfaatdormiz.
Shuningdek, “S5+1” platformasi va “Markaziy Osiyo davlatlari bilan AQSh oʻrtasida savdo va investitsiyalar boʻyicha hadli Bitimi” doirasida mintaqaviy hamkorlikni yanada kengaytirish tarafdorimiz", deyiladi tabrikda.
Shuningdek, Oʻzbekiston rahbari Donald Trampni rasmiy tashrif bilan kelishga taklif qilgan.
Eslatib oʻtamiz, Donald Tramp AQSh prezidenti saylovida katta ustunlik bilan Kamala Xarrisni ortda qoldirdi va 47-prezident boʻldi.
