Ergash Saliyev Jizzax viloyati hokimi lavozimiga tasdiqlandi
Parda Shukurov esa xalq deputatlari Jizzax viloyati Kengashi raisi etib saylandi.
Ergash Saliyev Jizzax viloyati hokimi lavozimiga tasdiqlandi. B haqda viloyat hokimligi xabar bermoqda.
Xalq deputatlari Jizzax viloyati Kengashining yettinchi chaqiriq birinchi sessiyasi oʻtkazilgan. Unda viloyat Hududiy saylov komissiyasi raisi Shavkat Sharipovning joriy yil 27 oktabrda boʻlib oʻtgan saylov yakunlari toʻgʻrisidagi axboroti tinglandi.
Sessiyada deputat Shukurov Parda Shukurovich xalq deputatlari Jizzax viloyati Kengashi raisi etib saylandi.
Shuningdek, sessiyada xalq deputatlari Jizzax viloyati Kengashiga saylangan deputatlarning partiya guruhlari roʻyxatdan oʻtkazilib, viloyat Kengashining Reglamenti va doimiy komissiyalar toʻgʻrisidagi Nizom tasdiqlandi.
Maslahatlashuvda Prezident tomonidan Jizzax viloyati hokimi lavozimiga Saliyev Ergash Alibekovich nomzodi koʻrsatilganligi bildirildi.
Yakunda Saliyev Ergash Alibekovich Jizzax viloyati hokimi lavozimiga bir ovozdan tasdiqlandi.
Avval Samarqand, Xorazm, Navoiy viloyatlarida ham hokim tasdiqlangandi.
