Bitkoin AQSh saylovlari fonida rekord darajada qimmatladi
Kriptovalyuta birinchi marta 74 ming dollardan oshdi. Bu Donald Trampning muvaffaqiyati bilan bogʻliq ekani aytilmoqda.
Iqtisod
6-noyabr, 11:17
Bitkoin kriptovalyutasi AQShdagi saylovlar paytida oʻzining tarixiy rekordini yangiladi.
Bitkoin birinchi marta 74 ming dollardan oshdi. Qoʻshma Shtatlarda davom etayotgan saylovlar fonida uning qiymati tez oʻsib bormoqda. Tahlilchilar buni respublikachi Donald Trampning yetakchiligi bilan izohlamoqda.
10:55 holatiga koʻra, eng yirik Binance kripto birjasida bitta bitkoinning narxi allaqachon 74 829 dollarga yetgan va tez orada 75 000 dollardan oshishi mumkin.
Soʻnggi maʼlumotlarga koʻra, AQShda saylovlar yakunlandi. Hozircha Donald Trampda 246 dona, Kamala Xarrisda 210 ta ovoz bor.
