Yangi tugʻilayotgan chaqaloqlarning qariyb 52 foizi oʻgʻil bolalar ekani maʼlum boʻldi

Oʻzbekistonda 2024 yil yanvar-sentabr oylarida tugʻilgan chaqaloqlarning qariyb 52 foizi oʻgʻil bolalardir.

Statistika agentligi maʼlumotlariga koʻra, 2024 yilning yanvar-sentabr oylarida yurtimizda jami 693,9 mingta tugʻilish qayd etilgan.

Tugʻilganlarning 51,9 foizini oʻgʻil bolalar (360,0 ming), 48,1 foizini esa qiz bolalar (333,9 ming) tashkil etdi.

Shaharlarda tugʻilganlar soni — 343,4 ming (49,5 foiz),

Qishloqlarda tugʻilganlar soni — 350,5 ming (50,5 foiz) boʻldi.

Eslatib oʻtamiz, avval Oʻzbekistonda tugʻilishlar soni kamaygani maʼlum boʻlgandi. Toʻqqiz oyda 693 mingdan ziyod chaqaloq tugʻilgan (2023 yilda bu raqam 716 mingni tashkil etgan).