Joʻrabek Rahimov Xorazm viloyati hokimi etib tasdiqlandi
Deputat Altibay Rajabov esa xalq deputatlari Xorazm viloyati Kengashi raisi lavozimiga saylandi.
Joʻrabek Rahimov Xorazm viloyati hokimi lavozimiga tasdiqlandi.
Bugun xalq deputatlari Xorazm viloyati Kengashining yettinchi chaqiriq birinchi sessiyasi boʻlib oʻtdi. Unda viloyat saylov komissiyasi raisining joriy yil 27 oktabrda boʻlib oʻtgan saylov yakunlari toʻgʻrisidagi axboroti tinglandi.
Sessiyada 14-Gʻozovot saylov okrugidan saylangan deputat Rajabov Altibay Begjanovich xalq deputatlari Xorazm viloyati Kengashi raisi etib saylandi.
Shuningdek, sessiyada xalq deputatlari Xorazm viloyati Kengashiga saylangan deputatlarning partiya guruhlari roʻyxatdan oʻtkazilib, viloyat Kengashining Reglamenti va doimiy komissiyalar toʻgʻrisidagi Nizom tasdiqlandi. Sessiyada Rahimov Joʻrabek Rahimovich Xorazm viloyati hokimi lavozimiga bir ovozdan tasdiqlandi.
Avvalroq Erkinjon Turdimov Samarqand viloyati hokimi etib tasdiqlangandi.