"Chigʻanoq" loyihasining ilk namunasi nashrdan chiqdi
Loyiha doirasida bugungi oʻzbek sheʼriyati va nasrining koʻzga koʻringan navqiron vakillarining kitoblari bank moliyaviy koʻmagida chop etilishi koʻzda tutilgan.
Yurtimizda kitobxonlik madaniyatini rivojlantirish va qoʻllab-quvvatlashni yangi bosqichga olib chiqish, xalqimizning maʼnaviy-maʼrifiy, badiiy-estetik talablariga javob beradigan kitoblarni yuksak sifat bilan chop etish maqsadi "Mikrokreditbank" ATB tomonidan "Chigʻanoq" loyihasi ishlab chiqildi.
Loyiha doirasida bugungi oʻzbek sheʼriyati va nasrining koʻzga koʻringan navqiron vakillarining kitoblari bank moliyaviy koʻmagida chop etilishi koʻzda tutilgan. Mazkur loyiha boʻyicha dastlab 5 nafar muallifning kitoblarini nashr etish hamda talabga qarab davom ettirilishi maqsad qilingan.
Mualliflar Oʻzbekiston Yozuvchilar uyushmasida taʼsis etilgan nufuzli tahrir hayʼati hamda bank Rahbariyati tomonidan tanlandi.
Ushbu loyiha doirasidagi ilk asar – Oʻzbekiston Yozuvchilar uyushmasi aʼzosi, shoir va yozuvchi Faxriddin Hayit ijodiga mansub boʻlgan "Osmon yerga yaqin" kitobi boʻldi va nashrdan chiqdi.