Oʻzbekiston BMTda Kubani qoʻllab ovoz berdi
Kubadan AQSh embargosini olib tashlashga ikki davlat qarshi chiqdi: Qoʻshma Shtatlarning oʻzi va Isroil.
Birlashgan Millatlar Tashkiloti Bosh Assambleyasi koʻpchilik ovoz bilan AQShning Kubaga qarshi embargosini toʻxtatishga chaqirdi.
187 davlat, jumladan, Oʻzbekiston Qoʻshma Shtatlarning Kubadan iqtisodiy, savdo va moliyaviy blokadasini olib tashlashi uchun ovoz berdi.
Faqat AQSh va Isroil qarshi chiqdi, Moldova betaraf qoldi, Ukraina esa ovoz bermadi.
AQShning Kubaga qarshi sanksiyalari AQSh tomonidan Kubaga qarshi joriy qilingan iqtisodiy choralar tizimidir.
Sanksiyalar 1960 yilda Kuba Amerika fuqarolari va korporatsiyalarining mulkini ekspropriatsiya qilganda joriy qilingan; 1962 yilda sanksiyalar deyarli toʻliq embargo darajasiga qadar kuchaytirildi.
Sanksiyalarni bekor qilish sharti sifatida Qoʻshma Shtatlar Kubada demokratlashtirish va inson huquqlarini hurmat qilishni, shuningdek, Kubaning boshqa davlatlar bilan harbiy hamkorligini toʻxtatishni talab qiladi.