Maktabgacha va maktab taʼlimi vaziriga birinchi oʻrinbosar tayinlandi
Sherzod Karimov tayinlovga qadar Vazirlar Mahkamasi departamenti boʻlim boshligʻi boʻlib ishlagan.
Karimov Sherzod Abdurasulovich maktabgacha va maktab taʼlimi vazirining birinchi oʻrinbosari lavozimiga tayinlandi. Bu haqda Platina.uz manbasi xabar berdi.
Sh.Karimov 2006-2012 yillarda xalq taʼlimi tizimida, 2012-2018 yillarda oʻrta maxsus, kasb-hunar taʼlimi tizimida ishlagan.
2018-2024 yillarda Vazirlar Mahkamasi taʼlim, ijtimoiy rivojlanish masalalari departamenti, kotibiyati boʻlimida yetakchi, bosh mutaxassis, shuʼba mudiri, kotibiyat mudirining oʻrinbosari lavozimlarida faoliyat yuritgan.
U 2024 yil 28 fevraldan bugungacha Vazirlar Mahkamasi “Mahalla yettiligi”, yoshlar siyosati va maʼnaviyat masalalari departamenti Yoshlar siyosati, maktabgacha va maktab taʼlimi, sogʻliqni saqlash va maʼnaviyat masalalari boʻlimi boshligʻi lavozimida ishlayotgan edi.
