HAMAS Gʻazoda oʻt ochishni toʻxtatish boʻyicha kelishuvga tayyorligini bildirdi
Dohada Gʻazo sektorida oʻt ochishni toʻxtatish va garovga olinganlarni ozod qilish boʻyicha kelishuvga erishish maqsadida muzokaralar qayta boshlandi. Unga AQSh, Isroil va Qatardan yuqori martabali muzokarachilar jalb etilgan.
Qatardagi HAMAS siyosiy byurosining yuqori martabali aʼzosi Husam Badran guruh rahbariyati Gʻazo sektorida sulh tuzish boʻyicha Isroil bilan kelishuvga erishishga ochiqligini aytdi. Bu haqda The Times of Israel HAMASga yaqin Shehab agentligiga asoslanib yozmoqda.
"Bizning talablarimiz aniq va maʼlum va Netanyaxu allaqachon kelishilgan narsaga sodiq qolsa, kelishuvga erishish mumkin", dedi u.
Badranning bayonoti Misrning Gʻazoda ikki kunlik oʻt ochishni toʻxtatish taklifiga munosabat ekanligi aniq emas.
Al-Arabiya telekanali avvalroq HAMAS Misr taklifini maʼlum shartlar asosida qabul qilishga tayyorligini maʼlum qilgan edi. Guruh Isroil keng qamrovli kelishuvning bir qismi sifatida Misr taklifini qabul qilishi kafolatlanishini istaydi.
Isroil va HAMAS oʻrtasida Gʻazo sektorida oʻt ochishni toʻxtatish va garovga olinganlarni ozod qilish boʻyicha kelishuvga erishish maqsadida Dohada muzokaralar qayta boshlandi. Ularga AQSh, Isroil va Qatardan yuqori martabali muzokarachilar jalb etilgan.
Avvalroq Misr prezidenti Abdulfattoh as-Sisi jurnalistlarga Misr ikki kunlik sulh tuzishni taklif qilayotganini, unga koʻra toʻrt nafar isroillik mahbus Isroil qamoqxonalarida saqlanayotgan bir necha falastinliklarga almashtirilishini aytgan edi. As-Sisining aytishicha, bu tashabbus doimiy oʻt ochishni toʻxtatishga qaratilgan dastlabki qadamdir.
Isroil bosh vaziri Binyamin Netanyaxu Misrning yangi taklifiga qarshi chiqdi, deb yozadi Jerusalim Post.