Bloomberg: gaz plitalari har yili Yevropada 40 mingdan oshiq insonning oʻlimiga sabab boʻlmoqda
Gaz plitasidan foydalanishda hosil boʻladigan azot dioksidi xavfli sanaladi.
Ispaniyalik olimlar Yevropa xonadonlaridagi gaz plitalari odamlarning bevaqt oʻlimiga olib kelishi mumkinligini aniqladi. Bu haqda Bloomberg yozmoqda.
Jaume universiteti olimlari tadqiqot oʻtkazdilar, natijada Yevropa Ittifoqi va Buyuk Britaniyada yiliga 40 mingga yaqin bevaqt oʻlimga bino ichida gaz plitasidan foydalanishda hosil boʻladigan azot dioksidi taʼsiri sabab boʻlishi mumkin. Bundan tashqari, bunday moslamalar bolalarda astma xastaligiga olib kelishi mumkin.
Har uchinchi Yevropa oilasida gaz plitalari ishlatiladi. "Jamoat salomatligi nuqtai nazaridan, gaz plitalari zaharli", dedi tadqiqot rahbari Xuana Mariya Delgado-Saborit.
Taʼkidlanishicha, tadqiqot hozircha jahon olimlari tomonidan oʻzaro baholanmagan. U Yevropa iqlim fondi notijorat tashkiloti tomonidan moliyalashtirildi.
