"Hududgaztaʼminot" raisiga birinchi oʻrinbosar tayinlandi

Mahmudjon Yakubov "Hududgaztaʼminot" AJ boshqaruvi raisining gaz sotish va innovatsiyalarni joriy etish boʻyicha birinchi oʻrinbosari etib tayinlandi.

Tayinlovga qadar u "Oʻzenergoinspeksiya" Toshkent viloyati hududiy boshqarmasi boshligʻi lavozimida faoliyat yuritib kelayotgandi.

Yakubovga qadar Abdusamat Saidvaliyev "Hududgaztaʼminot" AJ boshqaruvi raisining birinchi oʻrinbosari lavozimida ishlagan.

Eslatib oʻtamiz, Maʼrufxon Xoʻjayev 2024 yilning iyulida "Hududgaztaʼminot" AJ boshqaruv raisi lavozimini egallagandi.