Toshkentda qurolli hujum boʻldi
Mazkur holat yuzasidan Jinoyat kodeksining 25,97-moddasi (Qasddan odam oʻldirishga suiqasd qilish) bilan jinoyat ishi qoʻzgʻatildi.
Bosh prokuratura Toshkentdagi qurolli hujum haqida maʼlumot berdi.
26 oktabr kuni soat 01:40 larda fuqaro S.S.ning boshqaruvidagi “Range Rover” rusumli avtomashina Qibray tumani boʻylab harakatlangan vaqtida 2 nafar nomaʼlum shaxslar mazkur avtomashinaga oʻqotar qurolidan bir necha marotaba oʻq uzib, nomaʼlum tomonga yashirinishgan.
Ushbu holatda biror-bir shaxs tan jarohati olmagan.
Mazkur holat yuzasidan Jinoyat kodeksining 25,97-moddasi (Qasddan odam oʻldirishga suiqasd qilish) bilan jinoyat ishi qoʻzgʻatildi, deyiladi xabarda.
Gumon qilinuvchi shaxslarni aniqlash va ushlash yuzasidan tezkor-qidiruv tadbirlari amalga oshirilmoqda.
Hozirda tegishli idoralarning malakali xodimlaridan iborat tezkor-tergov guruhi tuzilib, tergov harakatlari olib borilmoqda.