Qidiruvdagi shaxs qaynotasining yertoʻlasidan topildi
U bankdan 2 mlrd 150 mln soʻm miqdorida kredit olib, maqsadli sarflamasdan ishlatib yuborgan.
Jizzax viloyati ichki ishlar boshqarmasi tezkor xodimlari tomonidan qidiruvdagi shaxs ushlandi.
Qaynotasining yashash uyi yertoʻlasiga yashiringan ushbu fuqaro vaqtincha saqlash hibsxonasiga joylashtirildi.
Maʼlum boʻlishicha, ushbu fuqaro 2022 yilda tijorat banklarining biridan 2 mlrd 150 mln soʻm miqdorida kredit olishga erishgan. Lekin bu mablagʻga 125 bosh zotli qoramol olish oʻrniga boshqa maqsadlarga sarflab yuborgan.
Prokuratura tomonidan unga qarshi JKning 167-moddasi (Oʻzlashtirish va rastrata qilish) bilan jinoiy ish qoʻzgʻatildi.