"Vorzakonlar" haqidagi kitob nashrdan chiqdi
Asarda oddiy qishloq bolasidan tortib sobiq ittifoq rahbari Leonid Brejnevgacha boʻlgan qahramonlar qatnashadi.
Gʻafur Gʻulom nomidagi nashriyot-matbaa ijodiy uyi tomonidan Nabi Jaloliddin qalamiga mansub "Boʻrixon: XX asr sharpalari yoxud toj kiygan oʻgʻriboshilar" nomli romanning birinchi kitobi nashrdan chiqdi.
Birinchi kitobda 1920-90 yillardagi voqealar aks etadi. Ushbu roman oʻtgan asrda jinoiy toʻdalar, mafiozlar, bosmachilik, reketlar, karate va koʻcha janglari, davlat idoralaridagi korrupsiya, Afgʻonistondagi xunrezliklar oqibatida kelib chiqqan fojialar, zoʻravonlik sindikatlari haqida hikoya qiladi.
Asarda oddiy qishloq bolasidan tortib sobiq ittifoq rahbari Leonid Brejnevgacha boʻlgan qahramonlar qatnashadi.