Vetnamda yangi prezident saylandi
Luong Chuong mamlakat kompartiyasi siyosiy byurosi aʼzosi sanaladi. Avvalgi prezident To Lam Vetnam Kommunistik partiyasi Markaziy Qoʻmitasining bosh kotibi etib saylangandi.
Vetnam Kommunistik partiyasi Markaziy Qoʻmitasi Siyosiy byurosi aʼzosi Luong Chuong mamlakatning yangi prezidenti etib saylandi.
Bu haqda 21 oktabr kuni maʼlum boʻldi.
Parlament majlisi Vetnam davlat axborot agentligi tomonidan jonli efirda namoyish etilgan.
Vetnam konstitutsiyasiga koʻra, prezident Milliy assambleya aʼzolari tomonidan yashirin ovoz berish yoʻli bilan saylanadi.
Mamlakatning avvalgi prezidenti To Lam 3 avgust kuni Vetnam Kommunistik partiyasi Markaziy Qoʻmitasining plenumida qoʻmitaning yangi Bosh kotibi etib saylangandi.
To Lam Nguyen Fu Chong oʻrniga mutlaq koʻpchilik ovoz bilan bosh kotib etib saylangan.