Fathulloh Gulen vafot etdi
Gulen Turkiyada 2016 yilda sodir boʻlgan davlat toʻntarishiga urinishda ayblangandi. U 1999 yildan buyon AQShda istiqomat qilib kelgan.
Turkiyada 2016 yilda davlat toʻntarishiga urinish uyushtirganlikda ayblangan jamoat arbobi, voiz Fathulloh Gulen vafot etdi.
83 yoshli Gulen AQShning Pensilvaniya shtatidagi shifoxonada olamdan oʻtgan. U 1999 yildan buyon AQShda yashab kelayotgandi.
Turkiya hukumati Gulen rahbarlik qilgan FETO tashkilotini 2016 yil iyulidagi davlat toʻntarishiga urinishda ayblab keladi.
Turkiyada ushbu qoʻzgʻolondan soʻng 80 mingdan ortiq odam hibsga olindi, 150 mingga yaqin davlat xizmatchisi, jumladan, harbiylar ishdan boʻshatildi yoki ishdan chetlashtirildi.
AQShda boʻlgan Gulenning oʻzi toʻntaruv tashabbusini qoralab, oʻziga qoʻyilgan ayblovlarni rad etdi.
