Yangi loyihada 1200 nafardan oshiq nomzod roʻyxatdan oʻtdi
"Toshkent yoshlarni sevadi" loyihasi doirasida poytaxtda istiqomat qiluvchi, 30 yoshgacha boʻlgan 1000 nafar qiz SMM sohasiga bepul oʻqitilishi eʼlon qilingandi.
Yoshlarning zamonaviy kasblarni oʻrganishga boʻlgan talabi juda yuqori: @smaktabbot orqali 1200 dan ortiq nomzodlar roʻyxatdan oʻtdi.
Toshkent shahar hokimligi "Toshkent yoshlarni sevadi" loyihasi doirasida poytaxtda istiqomat qiluvchi, 30 yoshgacha boʻlgan 1000 nafar qiz SMM sohasiga bepul oʻqitilishi haqida eʼlon qilgandi.
24 soat ichida @smaktabbot Telegram boti orqali roʻyxatdan oʻtganlar soni 1200 dan oshdi. Bu natija shuni koʻrsatadiki, ayol-qizlar orasida SMM sohasini oʻrganishga boʻlgan qiziqish juda yuqori. Shunday ekan, talabgorlardan vaqtni boy bermasdan, 25-oktabrgacha roʻyxatdan oʻtish soʻraladi.
Toshkent shahar hokimligi ayol-qizlarimizning bilim olib, ish topishlari va daromadli boʻlishlarini har tomonlama qoʻllab-quvvatlaydi va bunga alohida eʼtiborni yanada kuchaytiradi.