Qozogʻistonda Rossiyadan qaytayotgan olti oʻzbekistonlik halok boʻldi
Hodisa Mangistau viloyatining Beyneu-Tojen avtomagistralida yuz bergan. Yana toʻrt kishi shifoxonada qolmoqda, ularning ahvoli oʻrtacha ogʻir deya baholangan.
Qozogʻistonning Magistau viloyatida olti oʻzbekistonlik YTH oqibatida halok boʻldi.
Hodisa Mangistau viloyatining Beyneu-Tojen avtomagistralida yuz bergan, olti nafar Oʻzbekiston fuqarosi halok boʻldi, yana toʻrt nafari shifoxonaga yotqizilgan.
"JAC rusumli avtomobil chegaradan oʻtish uchun navbatda turgan yoʻl chetida turgan MAN yuk mashinasi bilan toʻqnashib ketdi. Mashinada jami 10 kishi boʻlgan. Ulardan toʻrt nafari Beyneu markaziy tuman shifoxonasiga yotqizildi", — deyiladi xabarda.
Mangʻistau viloyati IIB va sogʻliqni saqlash boshqarmasi maʼlumotlariga koʻra, mashinada Rossiyadan Oʻzbekistonga ketayotgan oʻn kishi boʻlgan.
Toʻrt kishining ahvoli oʻrtacha ogʻir deb baholanmoqda.
Qayd etilishicha, YTH ishtirokchilarining barchasi Oʻzbekiston fuqarolaridir. Voqea haqida Oʻzbekistonning Aqtaudagi Bosh konsulligiga xabar berildi. Voqea yuzasidan tergovga qadar tergov harakatlari boshlangan.