OTM matbuot kotiblari uchun treninglar
SMM-maktab va Oliy taʼlim, fan va innovatsiyalar vazirligi hamkorligidagi seminarlar 2 kun davom etadi.
Bugun oliy taʼlim muassasalari matbuot kotiblari uchun trening oʻz ishini boshladi. SMM-maktab va Oliy taʼlim, fan va innovatsiyalar vazirligi hamkorligidagi seminarlar 2 kun davom etadi.
Trening ishtirokchilari SMM va PR sohasida zamonaviy yondashuvlar bilan tanishib, universitet brendini ijtimoiy tarmoqlarda qanday pozitsiyalash, rivojlantirish hamda auditoriyaga samarali tarzda taqdim etish haqida qimmatli bilimlarga ega boʻldilar.
Sessiyalar davomida ijtimoiy tarmoqlarda universitet brendining oʻrnini mustahkamlash, negativlar bilan ishlash, shuningdek, amaliy mashgʻulotlar orqali sifatli va kreativ kontent yaratish boʻyicha maxsus koʻnikmalar oshirildi.
Ushbu treninglardan matbuot kotiblari uchun universitetlar brendini mustahkamlash yoʻlida katta imkoniyat yaratishi maqsad qilingan.
Treningning ertangi kunida ishtirokchilar media va blogerlar bilan hamkorlik qilish, nutq madaniyati va samarali reklamalar yaratish boʻyicha qiziqarli maʼruzalarni tinglaydilar.
Trening yakunida esa sertifikatlar topshiriladi.
