KXDR Janubiy Koreyaga olib boruvchi ikki yoʻlni portlatib yubordi
Pxenyan tomoni avvalroq janubga olib boruvchi barcha avtomobil va temir yoʻllarni toʻsib qoʻyish niyatida ekanini maʼlum qilgan.
Shimoliy Koreya Janubiy Koreyaga olib boruvchi gʻarbiy va sharqiy chegaradagi ikkita avtomagistral uchastkalarini portlatib yubordi, deya xabar bermoqda Yonhap Janubiy Koreya harbiylariga asoslanib.
"Shimoliy Koreya Kyongi va Dongxe yoʻllarining harbiy chegara chizigʻidan shimoldagi qismlarini portlatib yubordi", — deya agentlik Koreya Respublikasi shtab boshliqlari birlashgan qoʻmitasi bayonotidan iqtibos keltirmoqda.
Harbiylarning qoʻshimcha qilishicha, ular nima boʻlayotganini kuzatib turishgan va kuzatuvni kuchaytirgan.
Janubiy Koreya rasmiylari bir kun avval KXDR yoʻllarni portlatib yuborishga tayyorlanayotgani haqida xabar bergan edi.
Avvalroq Pxenyan tomoni janubga olib boruvchi barcha avtomobil va temir yoʻllarni toʻsib qoʻyish niyatida ekanini bildirgan edi.
Shuningdek, Shimoliy Koreya rasmiylari ularning yon tomonidagi yoʻl chiroqlarini demontaj qilgani va ular boʻylab minalar qoʻygani, shuningdek, ikki Koreyani ajratib turuvchi qurolsizlantirilgan hudud yaqinida tankga qarshi toʻsiqlar qurish va chegarani mustahkamlash maqsadida qoʻshinlarni joylashtirgani ham xabar qilingan.
Eslatib oʻtamiz, soʻnggi vaqtlarda ikki davlat munosabatlari keskin yomonlashdi. KXDR janubga qarata bir necha marotaba chiqqindi sharlarini uchirdi.