Xitoy Tayvanni "qurshab olgan" yirik harbiy mashgʻulotlarni boshladi
Oʻz navbatida Tayvan hukumati ham harbiylarini yuqori tayyorgarlik holatiga keltirganini maʼlum qildi. Vaziyatga AQSh ham munosabat bildirgan.
Xitoy Tayvan oroli atrofida keng koʻlamli mashgʻulotlarni boshlab yubordi va bu oroldagi "boʻlginchi kuchlarga qattiq ogohlantirish" yuborayotganini aytdi. Xitoy kemalari mashgʻulotlarni Tayvan oroli boʻylab oʻtkazgan.
Tayvan Xitoy harbiy kemalari orolni oʻrab olgan manevrlarni provokatsion deb atadi va bunga javoban kuchlarini yuborganini aytdi.
Tayvan Mudofaa vazirligining maʼlum qilishicha, Taypey tomonidan boshqariladigan orollar yuqori shay holatga keltirilgan.
"Samolyotlar va kemalar vaziyatga toʻqnashuv qoidalariga muvofiq javob beradi", — deyiladi bayonotda.
May oyida lavozimga kirishgan Tayvan prezidenti Lay Sinde Xitoy "Tayvan xalqining erkin va demokratik turmush tarzi tarafdori boʻlgan tanlovini hurmat qilishi va harbiy provokatsiyalardan tiyilishi" kerakligini aytdi.
"Hukumatimiz demokratiya va erkinlik konstitutsiyaviy tizimimizni himoya qilishda davom etadi. Biz milliy xavfsizlikni himoya qilishga ishonamiz va qodirmiz", - deyiladi u.
AQSh rasmiylari mashgʻulotlarni kuzatayotganini maʼlum qildi va Xitoyni mintaqadagi barqarorlikka putur yetkazadigan harakatlardan qochishga chaqirdi.
"Biz XXRni vazminlik bilan harakat qilishga va Tayvan boʻgʻozi va kattaroq mintaqada tinchlik va barqarorlikka putur yetkazadigan har qanday boshqa harakatlardan qochishga chaqiramiz", dedi AQSh Davlat departamenti matbuot kotibi Metyu Miller.