JSST maymun chechagini aniqlash boʻyicha ilk testni maʼqulladi
Erta tashxis qoʻyish maymunchechak kasalligiga qarshi kurashish, bemorlarni oʻz vaqtida davolash va parvarish qilishni taʼminlash, virus tarqalishini nazorat qilishda muhim rol oʻynaydi.
Jahon sogʻliqni saqlash tashkiloti (JSST) maymunchechakning tarqalishiga qarshi kurashda katta qadam tashladi, bu xavfli virusni tashxislash uchun birinchi marta testlardan favqulodda vaziyatlarda foydalanishga ruxsat berdi.
JSSTning aniqlik kiritishicha, Abbot Molecular Inc. tomonidan ishlab chiqarilgan yangi test kasallik holatlari keskin oshgan mamlakatlarda tez va aniq tekshiruv oʻtkazish imkoniyatlarini sezilarli darajada kengaytiradi.
Erta tashxis qoʻyish maymunchechak kasalligiga qarshi kurashish, bemorlarni oʻz vaqtida davolash va parvarish qilishni taʼminlash, virus tarqalishini nazorat qilishda muhim rol oʻynaydi.
Tashkilotning qoʻshimcha qilishicha, Afrikada virus holatlarini tekshirish imkoniyati cheklangan.
Maymun chechagi dunyo boʻylab tarqalayotgan virusli kasallik boʻlib, u Afrikaning baʼzi qismlarida keng uchramoqda.
Biroq soʻnggi oylarda kasallik tarqalishi AQSh, Ispaniya, Fransiya, Buyuk Britaniya, Shvetsiya va Marokashda qayd etilgan. Afrika Ittifoqi Kasalliklarni nazorat qilish markazi maʼlumotlariga koʻra, yil boshidan beri mintaqada virusdan 866 oʻlim aniqlangan.
