Qashqadaryodagi bogʻcha-maktablarni isitish uchun 2 mlrd ajratildi
Pul respublika byudjeti ssuda mablagʻlaridan berilishi koʻzda tutilgan.
Xalq deputatlari Qashqadaryo viloyati kengashi qarori bilan maktabgacha va maktab taʼlimi tashkilotlarining isitish tizimi uchun 2 mlrd soʻm ajratildi.
Mablagʻ respublika byudjetidan ajratilgan ssuda mablagʻlaridan taqdim etiladi, deyiladi hujjatda. Viloyati iqtisodiyot va moliya boshqarmasi mablagʻlarning ishlatishini nazoratga oladi.
Jumladan, Qarshi shahridagi muassasalar uchun 81 mln, Shahrisabz shahri uchun 80 mln, Kitob, Dehqonobod, Kasbi tumanlari uchun 240 mln soʻmdan, Mirishkor tumaniga 255 mln, Shahrisabz tumaniga 285 mln soʻm beriladi.Toʻliq roʻyxat hujjat ilovasida keltirib oʻtilgan.
Hujjat 2 oktabr sanasida imzolangan va darhol kuchga kirishi belgilangan.