Isroil Livanga quruqlikdan hujum boshladi
Bu hujum "cheklangan va mahalliy xarakterga ega" deyiladi armiya bayonotida. AQSh hujum haqida ogohlantirilgan.
Isroil Livanda quruqlikdan "cheklangan" harbiy operatsiya boshlaganini eʼlon qildi.
Isroil mudofaa kuchlari qoʻshinlar Livan janubidagi chegara hududida "Hizbulloh" bilan bogʻliq nishonlarga cheklangan quruqlikdagi reydlarni boshlaganini maʼlum qildi.
SAXAL bayonotida taʼkidlanganidek, Isroil havo kuchlari va artilleriyasi harbiy obʼektlarga zarba berish orqali operatsiya davomida quruqlikdagi kuchlarni qoʻllab-quvvatlamoqda.
“Siyosiy eshelon qarorlariga muvofiq, bir necha soat oldin Isroil armiyasi Livan janubidagi "Hizbulloh" nishonlari va infratuzilmalariga qarshi aniq razvedka maʼlumotlariga asoslanib, cheklangan, mahalliylashtirilgan va maqsadli reydlarni boshladi”, — deyiladi armiya oʻzining Telegram-kanalida.
Isroil shuningdek, Suriya hududiga ham zarbalar bergan. Oqibatda Suriyada mashhur boʻlgan teleboshlovchi Safiya Ahmad halok boʻlgan.