Poyezd chiptalari narxi yana oshirilyapti
Narxlar soʻnggi bor oʻtgan yili kuzda koʻtarilgandi.
Oʻzbekistonda poyezd chiptalari narxi yana koʻtarilmoqda. Bu haqda "Oʻztemiryoʻlovchi" AJ xabar bermoqda.
Xabarda aytilishicha, 2024 yil 20 yanvardan boshlab yuqori tezlikda harakatlanuvchi "Afrosiyob" elektropoyezdlari hamda "Sharq", "Nasaf" va "Oʻzbekiston" tez yurar poyezdlarining chiptalar narxi 20 foizga oshmoqda. "Afrosiyob" yuqori tezlikdagi elektr poyezdlariga chiptalar narxi:
Toshkent — Buxoro — Toshkent
VIP 636 000 soʻm
Biznes 462 000 soʻm
Ekonom 336 000 soʻm
Toshkent — Qarshi — Toshkent
VIP 534 000 soʻm
Biznes 390 000 soʻm
Ekonom 282 000 soʻm
Toshkent — Samarqand — Toshkent
VIP 396 000 soʻm
Biznes 276 000 soʻm
Ekonom 204 000 soʻm etib belgilandi.
Eslatib oʻtamiz, joriy yilning oktabr oyida ham temiryoʻl chiptalari oshirilishi maʼlum qilingandi. Shuningdek, prezident imzolagan qarorga koʻra, tezyurar poyezdlar narxlari bozorga qarab oʻzgarib boradi.
