Dilshod Kenjayev ham ishdan olindi
U roppa-rosa bir yil oldin Maktabgacha va maktab taʼlimi vaziriga oʻrinbosar boʻlgandi.
Maktabgacha va maktab taʼlimi vaziri oʻrinbosari Dilshod Kenjayev lavozimidan ozod etildi. Bu haqda Platina.uz manbasi xabar berdi.
Kenjayev maʼmuriy islohotlar fonida 2023 yil 31 yanvar kuni ushbu lavozimga tayinlangan edi.
Undan avvalroq, 2021 yildan prezident maslahatchisi oʻrinbosari boʻlib ishlagan. 2018-2021 yillarda esa Xalq taʼlimi vaziri oʻrinbosari sifatida ishlagan.
Eslatib oʻtamiz, avvalroq yana bir oʻrinbosar Uzoqboy Begimqulov lavozimidan ozod etilgandi.