Alisher Saʼdullayev vazirlikdan ketdi

Yoshlar siyosati va sport vazirining birinchi oʻrinbosari boʻlib ishlab kelgan Alisher Saʼdullayev lavozimidan ozod etildi. Bu haqda Platina.uz manbasi xabar berdi.

A.Saʼdullayev Vazirlar Mahkamasi huzuriga oʻtkazilgan Yoshlar ishlari agentligi direktori sifatida faoliyatini davom ettiradi.

Alisher Saʼdullayev 2017 yilda prezident nazariga tushib, Xalq taʼlimi vaziriga oʻrinbosar etib tayinlangan va eng yosh vazir oʻrinbosari boʻlgan edi.

Keyinchalik 2018 yilda Yoshlar ittifoqi raisiga oʻrinbosar boʻldi, bir yil oʻtib, ittifoqqa raislikka tayinlandi. 2020 yildan beri esa Yoshlar ishlari agentligi direktori sifatida ishlab kelmoqda.