Sakkiz yildan beri qidirilayotgan oʻzbekistonlik ayol deportatsiya qilindi

U Turkiyaning Istanbul shahrida qoʻlga olingan. 

Jamiyat
29-yanvar, 9:48
Sakkiz yildan beri qidirilayotgan oʻzbekistonlik ayol deportatsiya qilindi

Istanbulda sakkiz yildan buyon qidiruvda boʻlgan oʻzbekistonlik ayol ushlandi. Bu haqda mamlakatning Istanbuldagi bosh konsulligi maʼlumot berdi. 

"Oʻzbekiston Respublikasi va Turkiya Ichki ishlar vazirliklari hamkorligida oʻtkazilgan navbatdagi tezkor tadbir davomida  fuqarolarning koʻp miqdordagi pul mablagʻlarini Firibgarlik yoʻli bilan oʻzlashtirishda ayblanib 2016 yildan buyon Oʻzbekiston Respublikasi Ichki ishlar vazirligi tomonidan qidiruvda boʻlgan,1957 y.t. Rita Xalilova 
joriy yilning 13 yanvar kuni Istanbul shahrida qoʻlga olingan edi.

R.Xalilova 28 yanvar kuni Oʻzbekistonning Istanbul shahridagi Bosh konsulxonasi diplomatlari ishtirokida Istanbul xalqaro aeroportidan Oʻzbekistonga deportatsiya qilindi" deyiladi xabarda. 

Ushbu shaxsning xatti-harakatlaridan jabr koʻrgan fuqarolardan Oʻzbekiston Respublikasining Istanbul shahridagi Bosh konsulxonasiga yoki Oʻzbekiston Respublikasi Ichki ishlar vazirligiga murojaat qilish soʻraladi.

Avvalroq turk politsiyasi Interpol qidiruvga bergan shaxslarni ushlagani, ular orasida oʻzbekistonliklar ham borligi maʼlum boʻlgandi. 

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+