Toshkentda kafe yonib ketdi, jabrlanganlar bor

13 yanvar kuni soat 09:39 da Toshkent shahar Mirobod tumani, Sarakul koʻchasida joylashgan kafelarning birida yongʻin sodir boʻldi, oqibatda bir necha kishi jabrlangan.

FVV xabariga koʻra, 5 ta yongʻin-qutqaruv ekipajlari voqea joyiga yetib borib, yongʻin qariyb ellik daqiqa ichida oʻchirilgan.

Yongʻin natijasida kafe binosining taxminan 150-200 kv.m maydonda tom va shift qismi yonib zararlangan.

Dastlabki maʼlumotlarga koʻra, yongʻindan 3 nafar fuqaro tan jarohati olib, shifoxonaga yotqizilgan.

Yongʻin sababi va zarar miqdori aniqlanmoqda.

Oldinroq Yangi yil bayrami kunida Toshkent tumanida hovli yonib ketgandi.