Fargʻonadagi tumanga yangi prokuror tayinlandi
U shu vaqtga qadar viloyat prokurori yordamchisi boʻlgan.
Oʻzbekiston Bosh prokurorining buyrugʻi bilan adliya maslahatchisi Akbarov Jahongir Bahromovich Yozyovon tumani prokurori lavozimiga tayinlandi.
Jahongir Akbarov 1989 yilda Beshariq tumanida tugʻilgan, Namangan davlat universitetini tamomlagan. 2010 yildan beri prokuratura tizimida turli masʼul lavozimlarda faoliyat olib borgan.
Tayinlovga qadar Fargʻona viloyati prokurorining jamoatchilik bilan aloqalar va huquqiy axborot boʻyicha katta yordamchisi vazifasida ishlab kelayotgandi.
Avvalroq Ichki ishlar vaziri oʻrinbosari Yaxyojon Abduxalkov ishdan olingandi.