Rayan Rutga rasman Trampga suiqasd uyushtirish aybi qoʻyildi
U umrbod qamoq jazosiga hukm etilishi mumkin.
AQSh fuqarosi Rayan Rutga rasman Donald Trampga suiqasd qilishga urinish aybi qoʻyildi.
15 sentabr kuni qoʻlida avtomat bilan AQSh sobiq prezidenti va nomzod Donald Trampning golf klubi yaqinida otisha sodir etgan Rayan Rutga saylov paytida nomzodga suiqasd uyushtirishga urinishda rasman ayblov eʼlon qilindi.
Bu haqda seshanba kuni AQSh Adliya vazirligi maʼlum qildi.
"Adliya departamenti demokratiyamizning mohiyatiga zid zoʻravonlik harakatlariga toqat qilmaydi va biz ularni qoʻlga kiritganlarni topamiz va javobgarlikka tortamiz", dedi departament rahbari, AQSh Bosh prokurori Merrik Garland.
Hibsga olinganidan beri hibsda saqlanayotgan 58 yoshli Rayan Rut avvalroq qurol saqlashda ayblangan, unga 20 yilgacha qamoq jazosi xavf solayotgandi. Trampga suiqasd qilishda ayblanib, u umrbod qamoq jazosiga hukm qilinishi mumkin.
Adliya vazirligi Mayamidagi katta hakamlar hayʼati ayblov xulosasini tasdiqlaganini eʼlon qildi.